Bigarren Hezkuntzako ikaslea zara? Bideo bidez zientzia-kontzeptu jakin bat azaltzeko ideia bikaina daukazu? Robot bat, Naukas Bilbao 2019ra bidaia, edo CERNera bisita irabazi nahi dituzu?

Zer da Ciencia Clip?

Ciencia Clip zientziari buruzko dibulgaziozko bideo lehiaketa da, Bigarren Hezkuntzako ikasleak diseinatzaile, ekoizle eta protagonista lanetan jartzen dituena.

Zientzia eta teknologiarekiko interesa bultzatzea da lehiaketaren helburua. Eta, era berean, sormena eta komunikazio-gaitasunak lantzeko aukera eskaini nahi zaie parte-hartzaileei, Internetek ematen dizkigun tresnak erabiliz.

Ciencia Clip EHUko Kultura Zientifikoko Katedraren ekimena da, Bizkaiko Foru Aldundiaren eta Zientzia eta Teknologiarako Espainiako Fundazioaren babesa eta Big Van, Naukas eta Scenio taldeena ere jasotzen dituena.

Nork har dezake parte?

DBH, Batxiler eta LHko oinarrizko zein erdi mailako zikloetako ikasleek parte har dezakete, guraso edo legezko tutoreen baimenarekin.

Lehiaketaren faseak

Izen-ematea eta parte-hartzea
Otsailaren 11tik apirilaren 14ra

Epe horretan parte-hartzaileek izena eman ahal izango dute dagokion inprimakia betez.
Bideoak hautatu eta argitaratzea
Apirilaren 29tik maiatzaren 24ra

Lehiaketaren oinarriak betetzen dituzten bideoan webgunean argitaratuko dira.
Hedapena eta bozketa
Maiatzaren 27tik ekainaren 17ra

Aurreko fasean hautatutako bideoak ikusleen bozketaren menpe geratuko dira.
Epaimahaiaren balorazioa
Ekainaren 18tik uztailaren 18ra

Epe horretan, epaimahaiak eztabaidatu eta irabazleen zerrenda osatuko du.
Irabazleen jakinarazpena
Uztailaren 22an

Kategoria bakoitzeko (S, M eta L) eta modalitate bakoitzeko (Youtuber eta Animazioa) irabazleen izenak argitaratuko dira.
Sari banaketa
Irailaren 21ean

Naukas 19 ekitaldian izango da sari banaketa, Bilbon, eta Epaimahaiaren sari berezien berri emango da.

2018ko irabazleak

Las matemáticas del arte

S – Animación – 750 Votos

Midiendo el universo

S – Youtuber – 434 Votos

Un viaje entre X dimensiones

M – Animación – 574 Votos

Mecánica cuántica

M – Youtuber – 296 Votos

¿Cómo podemos generar electricidad?

L – Animación – 1180 Votos

El Reggaeton en una cáscara de nuez

L – Youtuber – 2008 Votos

Zeintzuk dira sariak?

Sei sari izango dira, bat kategoria bakoitzeko (S, M eta L) eta modalitate bakoitzeko (Youtuber eta Animazioa). Gainera, epaimahaiak bi sari berezi emango ditu: lehena, irabazle guztien artean baloraziorik onena jaso duen bideoari; bigarrena, atzerritik aurkeztutako lanik onenari.

Youtuber eta Animazio bideoei saria

Kategoria guztietako youtuber zein animazio modalitateetako irabazleek bakarka egin badute lana: Erle Spider Robot-drona eraiki eta erabiltzeko kit osoa eta larunbateko Naukas Bilbao 2019 saiora bertaratzeko bidaia zein hotel-egonaldia irabazlearentzat eta bi heldurentzat (ikaslearen guraso edo irakasleak).

Kategoria guztietako youtuber zein animazio modalitateetako irabazleek taldeka egin badute lana: larunbateko Naukas Bilbao 2019 saiora bertaratzeko bidaia zein hotel-egonaldia taldeko kide guztientzat eta lau heldurentzat (taldekideen guraso edo irakasleak).

Epaimahaiaren lehengo Sari Berezia

Genevako CERN laborategira bisita gehienez lau pertsonarentzat. Horien artean, hala badagokio, ikasleei lehiaketara aurkezteko aholkua eman dien irakaslea izango da.